VetConnect.Cymru
Adnodd pwrpasol ar gyfer milfeddygon ledled Cymru
Sgroliwch am ragor
Beth yw VetConnect.Cymru?
Mae VetConnect.Cymru yn hyb adnoddau pwrpasol ar gyfer milfeddygon yng Nghymru, sy’n dod â gwybodaeth, offer a chyfleoedd dysgu ynghyd i gefnogi gwaith iechyd a lles anifeiliaid ledled y wlad.
Cefnogi Gweithwyr Milfeddygol Proffesiynol yng Nghymru
Mae VetConnect.Cymru, a ddatblygwyd gydag anghenion y proffesiwn milfeddygol mewn golwg, yn cefnogi’r rhai sy’n ymwneud â darparu mentrau iechyd a lles anifeiliaid yng Nghymru, gan gynnwys gweithgarwch sy’n gysylltiedig â’r Cynllun Ffermio Cynaliadwy a rhaglenni iechyd anifeiliaid cenedlaethol eraill.
Mae’r platfform yn cynnig man canolog ar gyfer adnoddau sy’n helpu milfeddygon i gefnogi ffermwyr a cheidwaid da byw.
Hyfforddiant, Arweiniad ac Adnoddau Ymarferol
Mae VetConnect.Cymru yn cynnig mynediad at ddeunyddiau hyfforddi, templedi, dogfennau canllaw ac offer ymarferol mewn un lleoliad hawdd ei gyrraedd. Trwy ddod â’r adnoddau hyn at ei gilydd, mae’r platfform yn helpu milfeddygon i gael mynediad at wybodaeth ddibynadwy sy’n cefnogi gwaith ar ffermydd.
Y Wybodaeth Ddiweddaraf i Gymru
Mae blaenoriaethau, polisïau a rhaglenni iechyd anifeiliaid yn parhau i esblygu. Mae VetConnect.Cymru yn dwyn ynghyd wybodaeth sy’n benodol i Gymru sy’n adlewyrchu polisïau cyfredol, blaenoriaethau sy’n dod i’r amlwg, ac arferion gorau cydnabyddedig, gan helpu gweithwyr milfeddygol proffesiynol i fod yn wybodus, yn hyderus, ac ar y blaen i’r datblygiadau diweddaraf.
Ein Cenhadaeth
Cysylltu gweithwyr milfeddygol proffesiynol yng Nghymru â’r wybodaeth, yr offer a’r cyfleoedd dysgu sydd eu hangen arnynt i gefnogi iechyd a lles anifeiliaid.
Beth yw’r Rhaglen Datblygu Iechyd Anifeiliaid?
Mae’r Rhaglen Datblygu Iechyd Anifeiliaid, a ariennir gan Lywodraeth Cymru a’i darparu gan Mentera ac Ysgol Gwyddorau Milfeddygol Aberystwyth, yn darparu rhaglen hyfforddi a sicrhau ansawdd sy’n cefnogi’r Weithred Gyffredinol sy’n ymwneud ag Iechyd a Lles Anifeiliaid yng Nghynllun Ffermio Cynaliadwy Llywodraeth Cymru.
Mae gan Mentera gryn brofiad o gyflawni rhaglenni iechyd anifeiliaid a chydweithio rhwng partneriaid yn y diwydiant, gan sicrhau bod ffermwyr a milfeddygon yn cael cefnogaeth ymarferol, hygyrch sy’n diwallu anghenion amaethyddiaeth Cymru.
Mae ASVS yn darparu arbenigedd academaidd, gwybodaeth o ymchwil, a gwybodaeth filfeddygol arbenigol sy’n sail i gywirdeb technegol a safonau proffesiynol y rhaglen.
Gyda’i gilydd, mae’r partneriaid hyn yn sicrhau rhaglen sy’n gadarn, yn flaengar, ac sy’n seiliedig ar arferion go iawn y byd amaethyddol.
Beth yw Gwasanaethau Iechyd Anifeiliaid?
Gweithio gyda milfeddygon lleol i ddarparu gwasanaethau milfeddygol o ansawdd uchel ar ran APHA a Llywodraeth Cymru ledled gogledd Cymru.
Fel Partner Cyflawni Gogledd Cymru ar gyfer gwasanaethau iechyd anifeiliaid, rydym yn chwarae rhan ganolog wrth gefnogi milfeddygfeydd lleol i ddarparu gwyliadwriaeth statudol hanfodol o glefydau hysbysadwy, ochr yn ochr ag ystod eang o wasanaethau milfeddygol rheoleiddiol sy’n diogelu iechyd a lles anifeiliaid. Mae ei wasanaethau’n cynnwys:
- Gwasanaeth A – Profion Twbercwlin ar gyfer gwartheg ac anifeiliaid eraill
- Gwasanaeth B – Gwasanaethau milfeddygol ychwanegol megis gwyliadwriaeth o afiechydon, gan gynnwys clefydau egsotig a chlefydau sy’n dod i’r amlwg
- Gwasanaeth C – Gwasanaethau cymorth brys i ymateb yn gyflym os bydd argyfyngau iechyd anifeiliaid.
Trwy gydweithrediad agos â chyrff y Llywodraeth, ffermwyr, a gweithwyr milfeddygol proffesiynol, rydym yn cyfrannu at gynnal a gwella safonau uchel iechyd a lles anifeiliaid ledled gogledd Cymru.
Ein Partneriaid
Archwilio mwy
HYFFORDDIANT AHIC I FILFEDDYGON
Mae ein sesiynau hyfforddi Cylch Gwella Iechyd Anifeiliaid (AHIC) yn cynnig llwybr dysgu cynhwysfawr, strwythuredig i filfeddygon sy’n meithrin y sgiliau sydd eu hangen i gyflawni Cylchoedd Gwella Iechyd Anifeiliaid o ansawdd uchel ar ffermydd. Mae’r hyfforddiant yn cynnwys dysgu ar-lein a gweithdai wyneb yn wyneb sy’n arwain cyfranogwyr trwy gyflwyno AHIC strwythuredig ac Asesiad Bioddiogelwch ar gyfer Stoc sy’n Cyrraedd (BAIS). Nod pob sesiwn hyfforddi yw magu hyder, cysondeb a chymhwysedd proffesiynol, gan sicrhau bod pob AHIC yn cefnogi gwelliannau ystyrlon i iechyd anifeiliaid a chynhyrchiant ffermydd.
Hyb Adnoddau
Our Resource Hub is your go to space for practical tools, insights and guidance to support proactive animal health planning. Explore a growing collection of videos, podcasts, case studies, templates, webinars and useful links designed to help vets strengthen on farm health, welfare and biosecurity.
